Кембриж ва Гент университетларидан бўлган халқаро олимлар гуруҳи Италиядаги қадимий шаҳарнинг тўлиқ харитасини яратди. Археологлар харитани яратишда қазилма ишларини олиб бормаган, балки георадар ва трактордан фойдаланган, деб хабар беради Phys.org.

Археологлар георадар ёрдамида Римдан 50 километр узоқликдаги Фалерии Нови манзилгоҳини ўрганган.

Олимлар қадимий шаҳарнинг батафсил харитасини яратишда минитрактор ёрдамида 30,5 гектар ерни тадқиқ этиб чиққан. Тракторга георадар қотирилган бўлиб, у электромагнит импульсларни юборган ва объектларнинг тасвирини ҳосил қилган.

Замонавий техника ёрдамида батафсил харита яратилган бўлиб, унинг ичидан бозор, ҳаммом, ибодатхона ва ҳатто канализация чизмалари ўрин олган.

Экспертларнинг тахминича, шаҳар ҳужумга учрагани сабаб айрим биноларнинг деворлари яксон қилинган.

Кўплаб қадимий шаҳарлар жуда катта бўлгани ёки уларнинг устидан замонавий иншоотлар ўрин олгани сабаб мазкур янгилик олимларга ҳеч қандай муаммосиз уларни ўрганиш имконини беради.

Фалерри Нови шаҳрига эрамиздан олдинги 241 йилда, римликлар этрусклар қўзғолонини бостиргандан сўнг, асос солинган — қабила Фалериидан Фалерри Ветересга кўчирилган. Шаҳар эрамизнинг 700 йилларга қадар мавжуд бўлган.