Тошкент вилояти Ўрта Чирчиқ туманида 38 ёшли М.Ш. ҳамда 36 ёшли Н.Б. ўртасидаги низо бир кишининг ўлими билан якун топди. Бу ҳақда ИИВ ҳузуридаги Тергов департаменти хабар қилган.
Унга кўра, 2020 йилнинг 4 июнь куни тахминан соат 02:00 да фуқаро 36 ёшли Н.Б. маст ҳолатда ўзи яшаб келаётган Ўрта Чирчиқ тумани Гулистон кўчасидаги қўшниси 38 ёшли М.Ш. жанжаллашиб қолган ва уни бошига қаттиқ тўмтоқ жисм билан уриб, М.Ш.га тан жароҳати етказган.
М.Ш.га биринчи тез тиббий ёрдам кўрсатилмаганлиги туфайли олган оғир тан жароҳатлари билан 4 июнь куни 16:00да ҳодиса жойида вафот этган ҳолатда топилган.
Мазкур ҳолат юзасидан Ўрта Чирчиқ тумани ИИБ ҳузуридаги тергов бўлими томонидан Н.Б. га нисбатан Ўзбекистон Республикаси Жиноят кодексининг 104-моддаси 3-қисми «д» банди (Одам ўлимига сабаб бўлган қасддан баданга оғир шикаст етказиш) билан жиноят иши қўзғатилган.
Гумонланувчининг айбдорлиги исботланса, 10 йилдан 12 йилгача озодликдан маҳрум қилиниши мумкин.
Изоҳ (0)