«Карантиндан чарчаган» баджаҳл мушук Instagram юлдузига айланди  

Карантинда нафақат инсонларга, балки жониворларга ҳам осон бўлаётгани йўқ.

Масалан, Китция лақабли мушук карантиндан чарчаганликнинг янги рамзига айланди. Доимо кайфиятсиз ва қовоғи солинган ушбу мушук Instagram’да анча машҳур, уни қарийб 53 минг киши кузатади.

Китция шу қадар уришқоқ кўринадики, у смартфон экранидан ўзига қараётган исталган кишини бурдалаб ташлашга тайёрдек гўё.

https://www.instagram.com/p/B7tRsk9lg0d/

https://www.instagram.com/p/CAIlQmZF7Wr/

Бироқ унинг эгаси Викториянинг айтишича, мушук ўйнашни яхши кўради ва атрофдагиларга меҳрибон.

Аксарият интернет фойдаланувчилари Китцияни бошқа  баджаҳл мушук Grumpy Cat билан солиштирмоқда. Унинг юзи наслий касаллик туфайли баджаҳл тус олганди. Мушукка касаллик машҳурлик ва реклама роликларида суратга тушиш учун шартномалар келтирганди. Бироқ ўтган йилнинг май ойида мушук нобуд бўлди.

https://www.instagram.com/p/B8w3RcBhDWv/