Япониялик эпидемиолог Кентаро Ивата 2021 йилда ҳам коронавирусни енгиш жуда қийин бўлиши, шу сабаб Токиодаги ёзги Олимпия ўйинлари бекор қилинишини тахмин қилди.
«Олимпиада 2021 йилда бўлиб ўтиши учун иккита шарт бажарилиши лозим. Биринчидан, Япония коронавирусни енгиши керак. Иккинчидан, қолган мамлакатларда ҳам вируснинг тарқалишига барҳам берилиши лозим. Кейинги йили биринчи шартни бажаришнинг уддасидан чиқиш мумкиндир. Аммо иккинчи шартчи? Мен бу борада жуда пессимистик фикрдаман.
Олимпиадада турли мамлакатлардан кўплаб иштирокчилар қатнашади, бу эса биздаги ҳозирги шароитга тўғри келмайди ва катта эҳтимол билан кейинги йили ҳам худди шундай шароитда бўламиз. Менимча, ёзги ўйинлар бекор қилинади. Хусусан, ҳозирги ҳолатдан келиб чиқсак, бунинг эҳтимоли юқори», — дейди Ивата.
Эслатиб ўтамиз, жорий йилнинг 24 июлидан 9 августига қадар ўтиши керак бўлган Олимпиада коронавирус сабаб 2021 йилнинг ёзига қолдирилганди. Шу билан бирга бу борадаги сўнгги қарор октябрь ойида қабул қилиниши таъкиблаб ўтилган.
Аввалроқ Халқаро Олимпия қўмитаси президенти Томас Бах Олимпия ўйинларини 2021 йилда ўтказишнинг иложи бўлмаган тақдирда мусобақа бекор қилиниши мумкинлигини айтганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)