Ички ишлар вазирлиги «Қурол муомаласи соҳасида рухсат бериш тартиб-таомилларидан ўтиш тартиби тўғрисидаги низомларни тасдиқлаш, шунингдек, Ўзбекистон ҳукуматининг айрим қарорларига ўзгартиришлар киритиш ҳақида»ги Вазирлар Маҳкамаси қарори лойиҳасини муҳокамага қўйди.
Қарор лойиҳасида жисмоний шахсларга қурол муомаласи соҳасида рухсатномаларни бериш тўғрисидаги аризаларни кўриб чиқиш муддатлари, рухсатномаларнинг амал қилиш муддатлари ҳамда рухсатномаларни олиш учун талаб этиладиган ҳужжатлар рўйхати келтирилган.
Алоҳида кўрсатилган ҳолатлардан ташқари, рухсатномалар субъектлари Ўзбекистонда доимий яшовчи Ўзбекистон фуқаролари, чет эл фуқаролари ва фуқаролиги бўлмаган шахслар ҳисобланади.
Фуқаровий (мукофот, коллекциялаш ва кўргазмага қўйиш) қурол ва унинг ўқ-дориларини Ўзбекистон ҳудудига олиб кириш, Ўзбекистон ҳудудидан олиб чиқишга доир рухсатномалар берилганда ушбу қуроллар ва унинг ўқ-дориларини ташиш уларни Ўзбекистон ҳудудига олиб кириш ёки Ўзбекистон ҳудудидан олиб чиқишга доир берилган рухсатномалар асосида амалга оширилади.
Аввалроқ Ўзбекистонда қурол учун рухсатнома қандай тартибда олиниши маълум қилинганди.
Изоҳ (0)