Жаҳондаги коронавирус билан боғлиқ вазият тобора яхшиланмоқда. Аксарият мамлакатлар сайёҳларни қабул қилишга тайёрлигини билдирмоқда.
Ўзбекистонда ҳозирча халқаро авиақатновлар тикланмаган бўлса-да, пандемиядан кейинги илк саёҳатни ҳозирдан режалаштириш мумкин.
Италияга 3 июндан бориш мумкин. Тўғри, мамлакат ҳозирча фақат Европа Иттифоқи ҳамда Шенген битимига аъзо мамлакатлар вакилларини қабул қила олади. Сайёҳлар икки ҳафта карантинга жўнатилмайди, балки тўғридан-тўғри дам олиш масканларига боради.
Исландия 15 июндан очилади. Мамлакатда Шенген зонасида яшамайдиган сайёҳлар ҳам бориши мумкин. Бироқ сайёҳлардан коронавирус йўқлигини кўрсатувчи тест натижаси талаб қилинади ёки 14 кунлик карантинга олинади. Бу сана 4 майдан карантин юмшатилаётган Кипрга ҳам тегишли.
Июнь охирида Испания пляжларида ҳордиқ чиқариш мумкин. Мамлакат ҳукумати карантинни бекор қилди, бу эса туризм йўналишини янада жозибадор қилади.
Греция сайёҳлик мавсумини босқичма-босқич очишни режалаштирмоқда. 15 июндан мавсумий меҳмонхоналар иш бошлайди, икки ҳафтадан сўнг эса халқаро авиақатновлар тикланади. Мамлакатга келган сайёҳлар коронавирусга тест топшириши керак бўлади.
Изоҳ (0)