Қорақалпоғистон Республикасида 2 нафар, Самарқанд вилоятида 9 нафар ва Тошкент шаҳрида 44 нафар, жами 55 нафар бемор 30 май куни коронавирусдан буткул соғайиб, реабилитацияга кузатилди, деб хабар бермоқда ССВ матбуот хизмати.
Қорақалпоғистонда тузалганларнинг 2 нафари ҳам эркак бўлиб, 1 нафари Бухоро вилоятидан, яна 1 нафари эса Хоразм вилоятидан. Эндиликда Қорақалпоғистонда шифо топганлар 129 нафарга етиб, даволанаётганлар 6 нафарни ташкил этмоқда. Ушбу ҳудуд коронавирусдан холи бўлишга жуда яқин турибди.
Самарқандда тузалганларнинг барчаси ушбу вилоятдан (Самарқанд шаҳри ва Тойлоқ туманидан 3 нафардан, Пастдарғом, Ургут ва Оқдарё туманларидан 1 нафардан). Уларнинг 7 нафари эркак, 2 нафари аёл бўлиб, ёши каттаси 52 ёшда, кичиги эса 25 ёшда. Вилоятда шу пайтга қадар соғайганлар 265 нафар бўлса, эндиликда 274 нафарга етди.
Тошкентдаги Вирусология илмий-текшириш институти клиникасида тузалганларнинг 11 нафари эркак, 26 нафари аёл бўлиб, ёши каттаси 78 ёшли онахон бўлса, кичиги 2019 йил туғилган чақалоқ. Ҳудудлар кесимида олинса, Хоразм вилоятидан 9 нафар, Самарқанд вилоятидан 7 нафар, Тошкент ва Андижон вилоятларидан 4 нафардан, Сирдарё ва Сурхондарё вилоятларидан 3 нафардан, Тошкент шаҳридан 2 нафар, Бухоро, Фарғона, Навоий, Қашқадарё вилоятлари ҳамда Қозоғистон Республикасидан 1 нафардан.
Эпидемиология, микробиология ва юқумли касалликлар илмий-текшириш институти клиникасида тузалганларнинг барчаси эркак бўлиб, ёши каттаси 58 ёшда, кичиги 29 ёшда. Ҳудудлар кесимида олинса, Тошкент вилоятидан 2 нафар, Қорақалпоғистон Республикаси, Хоразм, Наманган вилоятлари, Тошкент шаҳри ҳамда Қирғизистон Республикасидан 1 нафардан.
Тошкент шаҳрида шу пайтга қадар 1 019 нафар бемор соғайган бўлса, эндиликда улар 1 063 нафарга етди.
Айни пайтда Ўзбекистон бўйлаб коронавирус инфекциясидан буткул соғайганлар 2 783 нафарни ташкил қилмоқда.
Касалланганларнинг умумий сони эса 3 523 нафарга етди. Мамлакатда ҳозирга қадар 14 киши эса инфекция асоратлари оқибатида вафот этган.
Изоҳ (0)