Наманган вилоятида машина олиб қочган шахс қўлга олинди. Бу ҳақда ИИВ ҳузуридаги Тергов департаменти хабар бермоқда.
28 май куни соат 02:30 да Мингбулоқ тумани «Довдуқ» МФЙда муқаддам судланган 31 ёшли Н.Ж. маст ҳолатда қўшниси 52 ёшли О.Ш.га тегишли «М-412ИЭ» русумли машинани яшаш хонадони олдида қаровсиз қолдирилганлигидан фойдаланиб олиб қочган. Н.Ж. «Москвич»да Наманган тумани Қоратепа–Гулдиров йўналишидаги ички йўлдан ҳаракатланиб кетаётган вақтида бошқарувни йўқотиб, йўлнинг чап томонидаги зовурга тушиб кетган.
Маст ҳайдовчи ҳодиса жойидан яширинган. Кўрилган тезкор-қидирув ҳаракатлари натижасида Н.Ж. ушланган.
Ҳолат юзасидан Мингбулоқ тумани ИИБ ҳузуридаги Тергов бўлинмаси томонидан Н.Ж.га нисбатан Жиноят кодексининг 267-моддаси 1-қисми (Транспорт воситасини олиб қочиш) билан жиноят иши қўзғатилган.
Жиноят иши бўйича Н.Ж. гумон қилинувчи тариқасида жалб қилиниб, процессуал тартибда ушланган. Агар Н.Ж. айбдор деб топилса, 5 йилдан 10 йилгача озодликдан маҳрум этилиши мумкин.
Изоҳ (0)