Тошкентдаги Вирусология илмий-текшириш институти клиникасида 16 нафар, Эпидемиология, микробиология ва юқумли касалликлар илмий-текшириш институти клиникасида 6 нафар ҳамда Самарқанд вилояти юқумли касалликлар шифохонасида 7 нафар, жами 29 нафар бемор бутунлай соғайди ва реабилитацияга кузатилди, деб хабар бермоқда ССВ матбуот хизмати.
Вирусология илмий-текшириш институти клиникасида тузалганларнинг 10 нафари эркак, 6 нафари аёл бўлиб, ёши каттаси 63 ёшда, ёши кичиги 2019 йил туғилган. Ҳудудлар кесимида олинса, Тошкент вилоятидан 5 нафар, Андижон шаҳридан 3 нафар, Хоразм ва Сурхондарё вилоятларидан 2 нафар, Навоий, Фарғона вилоятлари, Тошкент шаҳри ва Қозоғистон Республикасидан 1 нафардан бемор тузалган.
Эпидемиология, микробиология ва юқумли касалликлар илмий-текшириш институти клиникасидан тузалганларнинг барчаси эркак бўлиб, ёши каттаси 49 ёшда, ёши кичига эса 19 ёшда. Ҳудудлар кесимида олинса, Бухоро, Жиззах, Самарқанд, Фарғона вилоятлари, Тошкент шаҳри ҳамда Тожикистон Республикасидан 1 нафардан бемор тузалган.
Тошкент шаҳрида шу пайтга қадар 997 нафар бемор соғайган бўлса, эндиликда улар 1019 нафарга етди.
Самарқандда тузалганларнинг барчаси ушбу (Тойлоқ туманидан 4 нафар, Самарқанд шаҳридан 2 нафар ва Пастдарғом туманидан 1 нафар) вилоятдан. Уларнинг 5 нафари эркак, 2 нафари аёл бўлиб, ёши каттаси 49 ёшда, ёши кичига 2020 йилда туғилган чақалоқ. Вилоятда эндиликда соғайганлар 265 нафарга етди.
Бундан аввал Ўзбекистон бўйлаб коронавирус инфекциясидан бутунлай соғайганлар 2694 нафарга етгани хабар берилганди. Эндиликда улар сони 2723 нафарга етди.
Касалланганларнинг умумий сони эса 29 май соат 16:45 ҳолатига кўра, 3468 нафарни ташкил қилмоқда. Уларнинг 14 нафари инфекция асоратлари оқибатида вафот этган. Беморларнинг 731 нафари даволанишда давом этмоқда.
Изоҳ (0)