Бош прокуратура академиясида Ўзбекистон Республикаси Президентининг «Тезкор-қидирув, тергов ва жазони ижро этиш фаолиятида қийноқнинг олдини олиш тизимини тубдан такомиллаштириш чора-тадбирлари тўғрисида»ги қарори лойиҳаси муҳокама қилинди.
Унда Бош прокурор ўринбосари Светлана Ортиқова қарор лойиҳасидан кутилаётган натижаларни санаб ўтди.
Қийноқнинг олдини олиш бўйича миллий тизим халқаро ҳуқуқнинг умумеътироф этилган принциплари ва нормаларига мувофиқлаштирилиши билдирилди. Унда БМТнинг Қийноққа қарши қўмитаси томонидан билдирилган тавсияларнинг аксарият қисмини бажарилишини таъминланади.
Мавзуга доир: Ўзбекистонда озодликдан маҳрум қилиш билан боғлиқ бўлган жазони ижро этиш соҳасидаги айрим маълумотлар махфийликдан чиқарилади
– Қарор лойиҳаси қийноқнинг барвақт олдини олишга самарали хизмат қилади. Қийноқнинг оқибатлари билан курашишдан унинг барвақт олдини олишга ўтилади.
Бунда асосий эътибор қийноқ ҳолатларини келиб чиқишига имкон берган омилларни аниқлаш ва бартараф этишга, тегишли мансабдор шахсларни махсус дастур бўйича ўқитиш асосида уларда қийноқдан ҳимояланиш ҳуқуқини таъминлаш масаласида янгича дунёқарашни шакллантиришга қаратилади.
– Тезкор-қидирув, тергов ва жазони ижро этиш фаолиятининг шаффофлиги ва ошкоралигини таъминлаш устидан назорат такомиллашади.
– Қийноққа доир мурожаатлар тезкорлик билан кўриб чиқилади.
– Айбдор шахслар учун жавобгарликнинг муқаррарлиги таъминланади. Қийноқ ҳолатлари латент бўлиб қолишининг олди олинади.
– Қийноқнинг олдини олиш фаолияти борасида фуқаролик жамияти институтлари билан яқин ҳамкорликда ишланади.
– Аҳолини ташвишга солаётган қийноққа доир масалалар тўғрисидаги холис ва тўлиқ маълумотлар кенг жамоатчиликка тезкорлик билан етказилади.
Қийноқдан жабрланган шахсларга етказилган зарарнинг ўрни қопланишини таъминлаш, уларга ижтимоий, ҳуқуқий ва психологик ёрдам кўрсатиш механизмлари такомиллашади.
Мавзуга доир: ИИВ вакили Европа ва Ўзбекистон қамоқхоналарининг фарқи ҳақида: Бизнинг асосий мақсадимиз — маҳкумларни тарбиялаш
Лойиҳа 2019—2021 йилларда Ўзбекистонда жиноят-ижроия қонунчилигини такомиллаштириш концепциясида белгиланган вазифаларни амалга ошириш, тезкор-қидирув, тергов ва жазони ижро этиш фаолиятида қийноқнинг олдини олиш тизимини тубдан такомиллаштириш мақсадида ишлаб чиқилган.
Изоҳ (0)