Суриянинг Идлиб вилоятидаги М4 трассада ҳаракатланаётган турк ҳарбийларининг карвонида портлаш содир бўлди. Бу ҳақда Soczu хабар қилган.
Хабарга кўра, ҳарбийлар ҳаракатланиб келаётган вақтда қўлбола портлаш ускунаси ишлаб кетган. Ҳодиса оқибатида талафот кўрганларнинг айримлари оғир аҳволда экани айтилмқода. Вазият юзасидан бошқа қўшимча маълумотлар берилмаган.
12 май куни ҳам Идлибда Россия—Туркия патруль карвонида портлаш содир бўлганди. Ўшанда турк ҳарбийлари маҳаллий аҳолини тарқатиш мақсадида ёруғлик ва қаттиқ шовқин солувчи гранаталарни фаоллаштирган ва бунинг оқибатида портлаш содир бўлганди. Лекин у воқеада ҳеч ким жароҳатланмаган.
Мавзуга доир: Дунё сиёсий майдонидаги яна бир тўқнашув. Эрдўғон ва Асад ўртасидаги зиддиятнинг охири нима бўлади?
Мавзуга доир: Россия қўшинлари Суриядаги мактаблар ва касалхоналарга атайин ҳужум қилган бўлиши мумкин
Изоҳ (0)