Амалдаги тартибга кўра, ҳар йили 1 июндан 31 августга қадар Ўзбекистондаги барча мактабларнинг 1-синфига қабул жараёнлари амалга оширилган. Бунинг учун ота-оналар тўғридан-тўғри мактабларга бориб ҳужжатларни топширган. Бироқ карантин шароитида буни амалга ошириш, яъни ота-оналарнинг таълим муассасаларига ёзги мавсумда ҳам келишларини таъминлашда муаммо юзага келади. Шу сабабли Халқ таълими вазирлиги бу масалага ойдинлик киритди.
Қайд этилишича, Президент ҳузурида 2020 йил 30 апрелда ўтказилган 28-сонли йиғилиш баёнига мувофиқ, республикада карантин чекловлари босқичма-босқич юмшатилиб борилаётганлигини инобатга олиб ҳамда пандемия таъсири тўлиқ бартараф этилгунига қадар 1-синфга қабул жараёнларини июнь ойидан июль ва август ойига кўчириш белгиланган. Бунинг натижасида:
- Ота-оналарнинг мактабларга ташрифини чеклаш орқали карантин қоидаларига тўлиқ риоя этилиши таъминланади.
- Июнь ойида умумтаълим мактаблари битирувчиларининг ҳужжатларини расмийлаштириш билан олий ўқув юртига ҳужжатларни топширишга тайёрлайди.
Аввалроқ Ўзбекистондаги мактабларда 2020 йил учун якуний имтиҳонларни ўтказиш бекор қилингани, ўқувчиларнинг йиллик баҳоларини истисно тариқасида ушбу ўқув йилининг 3 та чорак баҳолари асосида чиқарилиши хабар берилган эди.
Изоҳ (0)