Чукоткада «Ми-8» ҳарбий транспорт вертолётининг фалокатга учраши оқибатида тўрт киши ҳалок бўлди, деб хабар беради «Интерфакс».
Маълумотларга кўра, вертолёт 26 май куни тонгда Мудофаа вазирлигига қарашли Анадир халқаро аэропорти ҳудудида жойлашган «Уголние копи» аэродромида ўқув машғулотини бажариш вақтида аварияга учраган.
Ҳарбий идоранинг маълум қилишича, фалокатга вертолётнинг техник носозлиги сабаб бўлган бўлиши мумкин.
Бу Россияда сўнгги етти кун ичида иккинчи «Ми-8» вертолётининг фалокатга учраши ҳисобланади. 19 май куни Москва вилоятида машғулот ўтказаётган ҳарбийлар вертолёти қулаб тушган ва уч киши ҳалок бўлганди.
Изоҳ (0)