АҚШда коронавирус инфекциясини юқтириб олиш бўйича бир сутка давомида 20,6 мингта янги ҳолат қайд этилди, 600 нафардан кўпроқ одам касаллик асоратлари оқибатида вафот этган. Бу ҳақда Жонс Ҳопкинс университети тақдим этган статистик маълумотларда келтирилган.
25 май ҳолатига кўра охирги бир сутка давомида АҚШда 20 634 кишида коронавирус инфекцияси борлиги аниқланган, бир кун аввал ушбу кўрсаткич 21 675 нафар одамни ташкил қилганди.
Охирги 24 соат давомида 633 нафар бемор COVID-19 касаллигининг асоратлари оқибатида ҳаётдан кўз юмган, бир кун аввал ушбу рақам 1108 та экани маълум қилинганди.
Университет берган статистик маълумотлар бўйича АҚШда коронавирус инфекциясини юқтириб олганларнинг умумий сони 1,6 миллиондан ошиб кетган, пандемия бошланганидан бери 97,7 мингта ўлим ҳолати қайд этилган. Ўтган вақт оралиғида касалликдан тузалганлар сони 366 минг нафарга етган.
Изоҳ (0)