«Опа-сингиллар», «Гулхан атрофидагилар», «Алпомиш» каби фильмларидаги роллари билан танилган, 2019 йилнинг охирида бахтсиз ҳодиса туфайли оламдан ўтган актриса Гавҳар Шарипованинг опаси Нафиса Шарипова «Дарё» нашрига интервью берди. Интервьюни «Дарё» мухбири Феруз Муҳаммад ташкиллаштирди.
Нафиса Шарипова синглисининг вафотидан кейин унинг жасадини расмга олиб, интернетда тарқатиб юборганларни қаттиқ қоралаб, бу ҳолат уларнинг оила аъзоларига жуда қаттиқ таъсир қилгани ҳақида йиғлаб гапириб берди.
Гавҳар синглим вафот этган жойида туширилган расмни интернетга тарқатиб юборган одамга айтадиган гапим бор. Сизни ҳам она туғгандир, бу дунёга сизни мусулмон аёл келтирган бўлса, синглингиз, фарзандингиз, қизингиз, рафиқангиз бўлса, бундай қилишга нима ҳаққингиз бор эди, сиз қанчалик одамгарчилиги йўқ инсон экансиз. Бундай қилишга кимнинг ҳаққи бор, телеканалларда ҳам Гавҳарни муҳокама қилиш нимага керак эди?Маълумот учун, актриса Гавҳар Шарипова 1980 йилда Навоий шаҳрида туғилган, «Алданган аёл», «Гўзаллик сири», «Алпомиш», «Гулхан атрофидагилар», «Сарвиноз» каби фильмларда ҳам турли даражадаги ролларни ижро этган.Гавҳар хушчақчақ, яхши инсон эди. Фарзанд кўра олмагани учун жуда болажон эди. Мен Гавҳарни Telegram’да тарқалган расмлари билан эмас, балки қўлимдаги суратлари билан, яхши хотиралар билан эслашингизни илтимос қилардим.
Нафиса Шарипова, Гавҳар Шарипованинг опаси
Актриса Гавҳар Шарипова 2019 йилнинг 19 ноябрь куни Самарқанд—Ғузор автомобиль йўлида Isuzu юк машинасида келаётганида юк машина ҳайдовчиси унга шилқимлик қилган, шундан сўнг актриса 140 км тезликда кетаётган машинадан ўзини ташлаб вафот этган.
Изоҳ (0)