Россияда коронавирус билан касалланганлар сони 308 705 кишига етди. Ўтган бир сутка ичида яна 8764 кишида вирус аниқланган. Бу ҳақда коронавирусга қарши кураш бўйича тезкор штаб маълумотларида келтирилган.
Маълумотларга кўра, беморларнинг 4021 нафарида касалликнинг клиник белгилари пайдо бўлмаган. Таъкидлаш керакки, кетма-кет беш кундан буён Россияда коронавирус борасида қайд этилаётган янги ҳолатлар 10 мингдан ошмаяпти.
Бундан ташқари, биринчи бор даволанишга муваффақ бўлганлар сони янги касаллар сонидан ортди. Ўтган бир сутка ичида 9262 киши соғайган. Бутун мамлакат бўйлаб коронавирусдан соғайган беморлар сони 85,3 минг кишидан ошди. Ҳозирга қадар 2972 киши вирус қурбонига айланган.
Изоҳ (0)