Сурхондарё вилоятида 2 нафар коронавирус инфекциясига чалинган бемор бутунлай соғайиб, реабилитацияга кузатилди. Бу ҳақда Соғлини сақлаш вазирлиги хабар қилди.
Шифо топганларнинг иккаласи ҳам Сурхондарё вилоятидан — 60 ёшли эркак, ҳамда 45 ёшли аёл. Улар карантин муассасасида бўлган, коронавирус инфекцияси аниқлангач шифохонага ётқизилган.
Вилоятдаги коронавирус инфекциясидан тузалган 40 нафар бемор сафига яна 2 киши қўшилгач, COVID-19’дан халос бўлганлар сони 42 нафарга етди. Бир нафар бемор даволанмоқда.
2020 йил 17 май соат 21:00 ҳолатига кўра, бир сутка ичида 34 нафар бемор касалликдан тузалди ва Ўзбекистонда COVID-19’дан соғайганлар сони 2247 нафарга етди.
Ўзбекистонда коронавирус инфекцияси билан касалланганларнинг умумий сони 2746 нафарни ташкил қилмоқда, соғайган ва вафот этганлардан ташқари 487 нафар бемор даволанмоқда. 12 нафар бемор эса инфекция асоратлари оқибатида вафот этган.
Изоҳ (0)