Сурхондарё вилояти божхона бошқармаси «Сариосиё» темир йўл чегара божхона пости орқали Ўзбекистон ҳудудидан транзит орқали олиб ўтилаётган катта миқдордаги психотроп моддалар аниқланди. Бу ҳақда Давлат божхона қўмитаси хабар берди.
Вилоят божхона бошқармаси ҳамда «Сариосиё» темир йўл чегара божхона пости ходимлари «Қудуқли» темир йўл бекатига кириб келган, Ўзбекистон ҳудудидан олиб ўтилаётган темир йўл юк вагонини божхона назоратидан ўтказди.
Натижада юк вагонларининг бирида жами 11 900 та қутида 238 000 дона «Сонлайф-Зопиклон 7,5 мг» номли психотроп таблетка борлиги аниқланди.
Таъкидланишича, ушбу психотроп таблеткаларни республика ҳудудидан транзит орқали олиб ўтишга Вазирлар Маҳкамасининг 2015 йил 12 ноябрдаги 330-сонли қарори талаблари асосида махсус рухсатнома бўлган ҳолдагина рухсат этилади.
Ҳозирда мазкур ҳолат юзасидан божхона текширувлари давом эттирилмоқда.
Изоҳ (0)