Сардобадаги фалокат оқибатида жами 34 та ижтимоий соҳа объектлари талафот кўргани маълум қилинди

Сардоба, Оқолтин ва Мирзаобод туманларидаги жами 34 та ижтимоий соҳа объектлари қисман ва тўлиқ даражада талафот кўргани маълум қилинди.

«Юксалиш» умуммиллий ҳаракати Сардоба сув омборида юзага келган тошқин оқибатлари ва уларни бартараф этиш бўйича амалга оширилаётган ишлар тасвирланган инфографика билан бўлишди. Унда тасвирланишича, жами 34 та ижтимоий соҳа объектлари қисман ва тўлиқ даражада, шунингдек, 6 та профилактика инспекторининг хизмат уйларига талафот етган.

Таъкидланишича, барча ижтимоий соҳа муассасаларида етказилган талафот миқдори ўрганилмоқда. Жумладан:

• мактабгача таълим ташкилотлари — 9 та муассаса барчасини мукаммал таъмирлаш, бундан ташқари 1 та янги МТТ қуриш режалаштирилди;
• умумтаълим мактаблари — 14 та мактабни мукаммал таъмирлаш, 2 та мактабни реконструкция қилиш ҳамда 1 та янги мактаб қуриш;
• 1 та касб-ҳунар коллеж биносини мукаммал таъмирлаш;
• соғлиқ сақлаш муассасаларининг 4 тасини мукаммал таъмирлаш, 3 тасини реконструкция қилиш ва 1 тасини янги қуриш бўйича таклифлар ишлаб чиқилди.