Мадриднинг «Реал» клуби ҳужумчиси Лука Йович жароҳат сабаб яқин уч ой мобайнида жамоасига ёрдам бера олмайди, деб хабар бермоқда Onda Cero.
Аввалроқ сербиялик футболчининг Мадриддаги уйида машғулот ўтказаётган вақтда жароҳат олгани хабар қилинганди. Унга ўнг оёқ товон суягининг ёрилиши ташхиси қўйилган. Футболчининг соғайиб кетиши учун уч ой муддат керак бўлиши айтилмоқда.
Эслатиб ўтамиз, футболчи коронавирус пандемияси вақтида Испанияда қолишни истамай, Сербияга кетиб қолганди. Шундан сўнг «Реал» ҳужумчи билан хайрлашишни хоҳлаётгани ҳақида хабарлар пайдо бўлди.
Маълумот учун, Йович 2019 йил ёзида Германиянинг «Айнтрахт Ф» клубидан 60 миллион евро эвазига «Реал»га ўтганди. 23 ёшли футболчи жорий мавсум «Реал» сафида 24 та ўйинда қатнашиб, иккита гол урди ва иккита голли узатмани амалга оширди.
Мавзуга доир:
- Лука Йович карантин қоидаларини бузганликда гумон қилинмоқда. У 12 йилгача қамалиши мумкин
- Ибрагимовичдан Алексисгача. Сўнгги 10 йилликда Ла Лига доирасидаги «Эль-Класико»ларда урилган энг чиройли 10 та гол (видео)
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)