«Барселона» ҳимоячиси Самюуэль Умтити жароҳат олди. Бу ҳақда каталонияликлар клуби матбуот хизмати маълум қилди.
26 ёшли футболчи 9 май кунги индивидуал машғулот вақтида ўнг оёғи тўпиғини шикастлаб олган. Қайд этиш жоиз, бу клубнинг карантиндан кейинги илк машғулоти эди. Жароҳатнинг қай даража жиддий экани ва тикланиш муддати номаълум. Жорий мавсумда Умтити тўпиғидаги муаммо сабаб бир ярим ой майдонга туша олмаганди.
Франциялик футболчи 2016 йилдан буён «Барселона»да тўп суради. Бунга қадар Самюуэль «Лион»дан ҳаракат қилган. Аввалроқ «кўк-анорранглилар» футболчи билан хайрлашишга тайёр экани хабар қилинганди.
Маълумот учун, Умтити Испания Ла Лигаси 2019/20 йилги мавсумида 11 та ўйин ўтказди.
Мавзуга доир: «Реал» ҳужумчиси Лука Йович жиддий жароҳат олди
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)