АҚШда SARS-CoV-2 коронавируси оқибатида юзага келаётган ўртача ўлим ҳолати кўрсаткичлари мавсумий оддий гриппдан 10 баробарга кўпроқ эканлиги маълум бўлди. Бу ҳақда Health Affairs нашрида сўз боради.
Сиэтлдаги Вашингтон университетининг фармацевтика факультети ҳисоб-китобларига кўра, мавсумий гриппда ўлим кўрсаткичи жами касалларнинг 0,1 фоизини ташкил этади, коронавирусда эса ушбу кўрсаткич 1,3 фоизга тенг.
Тадқиқотчилар АҚШда 20 апрелга қадар қайд этилган коронавирусга чалиниш бўйича 40 835 та ҳамда 1620 та ўлим ҳолатини таҳлил учун олган.
Шу билан бирга, минтақага қараб жуда катта тафовутлар аниқланди: Нью-Йорк штати Патнэм округида 0,5 фоиз, Вашингтон штати Кинг округида эса — 3,6 фоизгача.
Аввалроқ коронавирус билан оғриган беморнинг ўлимига сабаб бўлувчи аномал патология аниқлангани ҳақида хабар берилганди.
Мавзуга доир:
- Россияда коронавирус касаллиги аёлларга нисбатан эркакларда оғирроқ ўтаётгани маълум қилинди
- Россиялик олим коронавируснинг ўзига хос хусусиятини маълум қилди
- Хитойлик олимлар коронавирусдан кўпроқ эркаклар вафот этаётганини аниқлади
- Ҳиндистонлик шифокорлар янги турдаги коронавируснинг 10 та мутациясини аниқлади
Изоҳ (0)