Қорақалпоғистонда қарийб бир ой олдин олиб қочилган Damas автомобили ва уни олиб қочган фуқаро топилди. Бу ҳақда Тергов департаменти хабар бермоқда.
11 апрель куни тахминан соат 01:30 ларда номаълум шахс 51 ёшли фуқаро Р.М. томонидан Беруний тумани Кепаклиқалъа кўчасида қаровсиз қолдирилган Damas автомобилини номаълум томонга олиб қочган.
Мазкур ҳолат юзасидан Қорақалпоғистон Республикаси ИИВ ҳузуридаги тергов бошқармаси томонидан номаълум шахсга нисбатан Ўзбекистон Республикаси Жиноят кодексининг 267-моддаси 1-қисми (Транспорт воситасини олиб қочиш) билан жиноят иши қўзғатилиб, дастлабки тергов ҳаракатларига киришилган.
Жиноят иши бўйича олиб борилган тергов ва тезкор қидирув ишлари давомида Р.М.га тегишли бўлган Damas автомашинаси Беруний тумани Навоий ОФЙ ҳудудида жойлашган фермер хўжалиги дала майдонидан техник соз ҳолатда топилган.
Дастлабки тергов ҳаракатлари давомида мазкур жиноятни Беруний тумани Чиғатой кўчасида яшовчи умумий ўрта таълим мактабининг 11-синф ўқувчиси, вояга етмаган 17 ёшли Б.А. содир қилганлиги аниқланган.
Изоҳ (0)