Тошкент тиббиёт академияси кўп тармоқли клиникасидан 6 нафар, Эпидемиология, микробиология ва юқумли касалликлар илмий-текшириш институти клиникасидан 3 нафар, жами 9 нафар коронавирус инфекциясига чалинган беморлар бутунлай соғайиб, реабилитацияга кузатилди. Бу ҳақда Соғлиқни сақлаш вазирлиги хабар берди.
Тошкент тиббиёт академияси кўп тармоқли клиникасида соғайганларнинг 5 нафари Тошкент шаҳридан, 1 нафари эса Сурхондарё вилоятидан. Уларнинг 3 нафари Россиядан чартер рейсда Ўзбекистонга келган ва карантинга олинган. Касаллик аниқлангач, мазкур клиникага ётқизилган. Қолган 3 нафари эса коронавирус инфекциясига чалинганлар билан мулоқотда бўлиб, касалликни юқтириб олган. Беморларнинг 4 нафари эркак, 2 нафари аёл, энг ёши каттаси 63 да, энг кичиги 15 ёшда экани айтилган.
Эпидемиология, микробиология ва юқумли касалликлар илмий-текшириш институти клиникасидан тузалганларнинг 2 нафари (73 ёшли ҳамда 40 ёшли аёллар) Тошкент шаҳридан бўлиб, коронавирус инфекциясига чалинганлар билан мулоқотда бўлиб, касалликни юқтириб олган. Қорақалпоғистонлик 29 ёшли йигит эса Қозоғистондан келганиндан кейин карантинга олинган. Коронавирус инфекцияси аниқлангач, шифохонага ётқизилган.
Тошкент шаҳрида шу пайтга қадар 459 нафар бемор соғайган бўлса, эндиликда уларнинг сони 468 нафарга етди.
2020 йил 6 май соат 15:00 ҳолатига кўра Ўзбекистонда коронавирусдан тузалганлар сони 1556 нафарни ташкил қилиб ва 649 нафар бемор даволаниш жараёнида қолмоқда. Аввал 2020 йил 6 май соат 12:50 ҳолатига кўра Ўзбекистонда коронавирусдан соғайганлар сони 1547 нафарга етгани, 660 нафар бемор даволанишни давом эттираётгани хабар қилинганди. Навоий, Қашқадарё ва Жиззах вилоятлари касалликдан холи ҳудудга айланган.
Айни вақтда, 6 май соат 10:00 ҳолатига кўра Ўзбекистонда коронавирус инфекциясини юқтириб олиш билан боғлиқ ҳолатлар сони 2217 тани ташкил этмоқда — беморлардан 660 нафари ҳозирда даволанишни давом эттираётган бўлса, 10 нафари вафот этган.
Изоҳ (0)