Саҳарликка туркча пицца — лаҳмажун пиширамиз

Лаҳмажун турк ошхонасининг ўзига хос таомларидан бири ҳисобланади.

Уни тайёрлаш учун қуйидаги маҳсулотлар керак бўлади:

Хамирига:

• ун — 3 пиёла;
• илиқ сув — 1 пиёла;
• хамиртуруш — 3 ош қошиқ;
• асал — 1 ош қошиқ;
• ўсимлик ёғи — 3 ош қошиқ;
• туз.

• қийма — 250 гр;
• помидор — 1 дона;
• пиёз — 1 дона;
• булғори қалампири — 2 дона;
• саримсоқ пиёз — 1 дона;
• петрушка;
• томат пастаси — 1 ош қошиқ;
• таъбга кўра туз ва мурч.

• Хамирга кетадиган маҳсулотларни қўшиб, оширма хамир тайёрланг.
• Бироз тиндириб қўйинг.
• Сабзавотларни: пиёз, помидор, саримсоқ пиёз, булғори қалампири ҳамда петрушкани майда кубик шаклида тўғранг.
• Қиймага тўғралган сабзавотларни қўшинг.
• Бир ош қошиқ томат пастаси, туз ва мурч қўшинг.
• Қуруқ бўлиб қолган бўлса, бир ош қошиқ қайнаган сув қўшиш мумкин.
• Хамирни 6 бўлакка бўлинг ва уларнинг ҳар бирини ингичка қилиб ёйинг.
• Хамир устини қиймали аралашма билан қопланг.
• Газ листига солиб, қизиган духовкага 180 даражага қўйинг.

Ёқимли иштаҳа!