Коронавирус пандемиясининг оқибатлари жорий молиявий йилнинг иккинчи ярим йиллигидан бошлаб сезила бошлайди. Саудия Арабистони ва бутун дунё аввалгидек бўлмайди. Бу ҳақда мамлакат молия вазири Муҳаммад Жадаан Al-Arabiya телеканалига берган интервьюсида маълум қилди.
«Саудия Арабистони жуда қаттиқ ва тезкор чораларни қўллаган. Коронавирус пандемиясининг ҳақиқий оқибатлари иккинчи чоракда пайдо бўлади», — дейди Жадаан.
Вазирнинг сўзларига кўра, молиявий йилнинг биринчи чорагида бюджет рақамлари ҳақиқий талафотнинг кўламини кўрсатиб бермаган.
«Саудия Арабистони ва бутун дунё коронавирусгача бўлган даврга қайтмайди. Иқтисодий жараёнларда ўзгаришлар бўлади», — дейди Жадаан.
Молия вазирининг таъкидлашича, мазкур ўзгаришлар нефть ва бошқа соҳалардан келадиган даромадларнинг йил бошидан буён кескин тушиб кетганига боғлиқ. Шу сабабли ҳукумат «пандемияга қарши курашиш учун жуда кўп миқдорда турли чораларни» ишлаб чиққан.
Мавзуга доир:
Изоҳ (0)