АҚШ президенти Дональд Трамп Саудия Арабистони валиаҳд шаҳзодаси Муҳаммад бин Салмон ас-Сауд билан суҳбатда нефть қазиб олишни қисқартириш бўйича ОПЕК+ битими келишилмаса, Вашингтон қўшинларни олиб чиқиб кетишга мажбур бўлишини айтган, деб хабар бермоқда Reuters ўз манбаларига таяниб.
Қайд этилишича, музокара томонлар келишувга эришишидан 10 кун аввал бўлиб ўтган. Агентлик маълумотларига кўра, бундан ҳайрон қолган валиаҳд ўз ёрдамчиларидан хонадан чиқиб туришни сўраган, суҳбатни уларсиз давом эттирган.
Трамп, агар битимга эришилмаса, Америка қўшинларини олиб чиқиб кетиши мумкин бўлган Конгрессга тўсқинлик қилолмаслигини айтган. Март ойида парламентга шундай таклиф киритилган қонун лойиҳаси тақдим этилган.
Эслатиб ўтамиз, ОПЕК+ нефть ишлаб чиқариш ҳажмини қисқартириш бўйича давлатлар келишуви расман 12 апрелда имзоланганди. Картель вакиллари «қора олтин» ишлаб чиқариш ҳажмини кунига 9,7 миллион баррелгача қисқартиришга рози бўлган. АҚШ, Бразилия ва Канада нефть ишлаб чиқаришни қўшимчасига яна 3,7 миллион баррелга қисқартиради.
Мавзуга доир: АҚШ нефть инқирозининг асосий айбдори деб топилди
Изоҳ (0)