БМТ бош котиби КХДР раҳбари Ким Чен Иннинг соғлиғи ҳақида маълумотга эга эмаслигини билдирди
Бирлашган Миллатлар Ташкилоти КХДР давлат раҳбари Ким Чен Иннинг атрофидаги гап-сўзлар ҳақида аниқ маълумотга эга эмас. Бу ҳақда БМТ бош котиби Антонио Гуттериш матбуот анжуманида маълум қилган, деб ёзмоқда «РИА Новости».
Фото:Malayaga Kuruvi
«КХДР раиси Ким Чен ин борасида ҳеч қандай маълумотга эга эмасмиз», – деган Гуттериш.
Шимолий Корея етакчиси Ким Чен Ин 12 апрелдан бери омма олдида чиқиш қилгани йўқ. Жанубий Кореянинг Daily NK нашри Ким Чен Иннинг операциядан кейинги даволаниш курсларини ўтказаётгани ҳақидаги хабаридан кейин бир қатор хорижий ОАВда унинг соғлиғи ёмонлиги юзасидан маълумотлар тарқалди. Daily NK яна бошқа нашрлар, шунингдек, CNN телеканали ҳамда Япониянинг Shukan Gendai журнали ҳам исмини ошкор этмаган манбаларга таяниб, КХДР раҳбари ҳақида турли хабарлар тарқатган. Шунингдек, Ким Чен Иннинг ўлгани ҳақида ҳам миш-мишлар кўпайган.
Изоҳ (0)