Кардашьян-Женнер оиласи вакиллари пластик операциягача ва ундан кейин қандай кўринишга эга бўлган? (фото)

Кардашьян-Женнер оиласи вакилларининг гўзал ташқи қиёфаси табиийми ёки пластик жарроҳлик маҳсулими? Қуйидаги суратлар орқали ушбу саволга жавоб топишга ҳаракат қиламиз.

Ким Кардашьян

Кимнинг қомати, юз тузилиши жарроҳлик амалиётигача ҳозиргидек бўлмаган. Унинг ўзи юзидаги ўзгаришини макияж билан боғлиқ, деб таъкидлайди, лекин яхшилаб назар ташланса, юз шакли аввалги суратдагидек чўзинчоқ эмаслиги, ихчамлашгани ва яноқлари бўртгани, кўзлари катталашганини кўриш мумкин.

Кайли Женнер

Дунёнинг энг ёш миллиардери Кайли юзини пластик операция қилдирмаганини, шунчаки, оз-моз косметик ўзгартиришларни амалга оширганини таъкидлайди. Аммо суратга назар ташлаб, Кайлининг сўзлари қанчалик рост ёки ёлғонлигини билиш қийинмас. Катталашган лаблар, шакли ўзгарган жағ, ихчамлашган бурун бунинг исботи. Бироқ тан олиш керак, жарроҳлик амалиёти моҳирона бажарилган.

Ушбу оиланинг вакиласи сифатида Кендаллни кўринишига энг кам ўзгартириш киритган деб эътироф этиш керак. Кендалл ҳам Кайли сингари операцияни инкор этади. Унинг гапида жон бордир, балки, бурун аввалгидан кичикроқ, лаб эса каттароқ эканини айтмаса, юз ва кўз шакли ўзгармаган. Яхшилаб эътибор берилмаса, ўзгаришлар борлигини билиш қийин.

Хлои Кардашьян

Ким, Кайли, Кендаллнинг нима билан шуғулланишини ҳамма билади, лекин опа-сингиллари соясида унда-бунда кўзга ташланиб турадиган, аммо унчалик машҳур бўлмаган Хлои ҳақида кўпчилик билмаслиги табиий ҳол. Унинг суратларини солиштириб, икки суратдаги ҳам Хлоини ў​зими, деган савол туғилади. Шунчаки, бурун олдингидан кичкина бўлгани, юз ихчамлашгани, осилган қовоқлар йўқолгани, яноқлар ўзгарганини айтмаганда ростдан ҳам икки суратда унинг ў​зи.

Кортни Кардашьян

Кортни оиланинг яна бир вакиласи. У опа-сингилларидан фарқли ўлароқ кўринишидаги ўзгаришларни яширмайди, чунки бундан маъно йўқ, шундоқ ҳам ўзгаришлар яққол сезилади.

Крис Женнер

Машҳур қизларнинг онаси Крис ҳам ўзгаришларни инкор қилмайдиганлардан. Унинг фикрича, ўзини яхши кўрган ҳар бир аёл ёши ўтганида жарроҳлик амалиётини синаб кўриши керак. Крис қизларидан фарқли ўлароқ ташқи қиёфасига буткул ўзгартириш киритмаган. Йўқолган ажинлар, юз шаклидаги ўзгариш уни қизларининг онаси эмас, опасидек кўринишига сабабчи бўлган.