Президент Шавкат Мирзиёев 28 апрель, сешанба куни, Олот тумани марказида маҳаллий аҳоли вакиллари, ҳудуд фаоллари билан бўлиб ўтган учрашувда аҳолига ҳар томонлама кўмаклашиш ҳақида топшириқ берди. Бу ҳақда Президент матбуот хизмати хабар бермоқда.
«Халқимиз ҳамжиҳат бўлиб, бундай синовларни кўп енгиб ўтган. Бу сафар ҳам зарур чора-тадбирлар кўрилиб, талафот оқибатлари тезда бартараф этилади. Энг муҳими, руҳни туширмай, биргаликда курашсак, бу қийинчиликлардан кучли бўлиб чиқамиз», — деб таъкидлади Шавкат Мирзиёев.
Йиғилишда турар жойлар ва инфратузилма объектларини таъмирлаш, аҳолига ҳар томонлама кўмаклашиш бўйича мутасаддиларга топшириқлар берилган. Шунингдек, қишлоқ хўжалиги, иқтисодиёт тармоқлари, жамоат хавфсизлиги юзасидан тезкор чора-тадбирлар белгиланган.
Изоҳ (0)