Ўзбекистон коронавирус пандемияси даврида тиббий маҳсулотлар ишлаб чиқариш учун фойдаланиладиган хом ашёнинг экпортини тўхтатади. Бу ҳақда Вазирлар Маҳкамаси матбуот хизматига таяниб, «Gazeta.uz» хабар берди.
Хабар берилишича, Вазирлар Маҳкамасининг 23 апрелдаги қарори билан коронавирус пандемияси даврида 2020 йилнинг 1 майидан 31 декабрига қадар тиббий буюмлар учун ишлаб чиқаришда фойдаланиладиган хом ашё экспорти ҳамда цемент импортига вақтинчалик чекловлар қўйилади.
Мазкур қарор карантин сабабли мамлакатдаги кўплаб қурилиш объектларида ишлар тўхтаб қолгани натижасида цементга бўлган талабнинг тушиб кетгани ҳамда миллий ишлаб чиқарувчиларни қўллаб-қувватлаш мақсадида қабул қилинган.
Хабарга кўра, тиббий буюмларни ишлаб чиқариш учун хом ашё экспортига вақтинчалик чекловлар ички бозорни тиббий буюмлар билан барқарор таъминлаш мақсадида жорий этилмоқда.
Эслатиб ўтамиз, Ўзбекистонда коронавирус тарқалишининг олдини олиш чора-тадбирлари доирасида юз ниқоблари қўшилган қиймат солиғидан озод қилинган ҳамда улар тиббий буюмлар рўйхатидан чиқарилган.
Изоҳ (0)