Давлат статистика қўмитаси Ўзбекистоннинг ташқи савдо айланмаси ҳақидаги ҳисоботини тақдим этди. Унга кўра 2020 йил январь март ойлари давомида ташқи савдо айланмасида экспорт ҳажми 3,3 миллиард АҚШ долларини ташкил қилган ва ўтган йилнинг мос даврига нисбатан 374,7 миллион, яъни 10,9 фоизга камайган.
Экспортнинг асосий улуши, яъни 29,8 фоизи олтинга тўғри келмоқда ва бу қарийб 1 миллиард АҚШ долларини ташкил қилади. Кейинги ўринларда материал турига қараб классификацияланадиган саноат товарлари (18,7 фоиз) ва хизматлар (18,6 фоиз) қайд этилган.
Ҳисоботда Ўзбекистон жаҳоннинг 150 дан ортиқ мамлакати билан савдо алоқаларини амалга ошириб келаётгани, ташқи савдо айланмасининг нисбатан салмоқли ҳиссаси Россия Федерацияси (16,9 фоиз), Хитой (16,8 фоиз), Қозоғистон (8,3 фоиз), Корея Республикаси (6,7 фоиз), Туркия (5,8 фоиз), Қирғизистон (2,3 фоиз) ва Германияга (2,1 фоиз) тўғри келиши қайд этилган.2020 йилнинг январь март ойлари якунида товар ва хизматлар экспорти бўйича асосий ҳамкор давлатлар таркибида Россия Федерацияси (экспорт умумий ҳажмининг 13,5 фоизи), Хитой (11,9 фоиз), Туркия (7,9 фоиз), Қозоғистон (5,6 фоиз), Қирғизистон (4,6 фоиз), Афғонистон (4,5 фоиз) ва Тожикистон (2,9 фоиз) сақланиб қолган ҳамда уларнинг экспортдаги умумий улуши 50,7 фоизни ташкил этган.
Товарлар ва хизматлар экспорти бўйича еттита асосий ҳамкор давлат орасида етакчи бўлган Хитой бир поғонага тушиши ҳисобига Россия Федерацияси экспортидаги улуши бўйича пешқадамликни олган.
Ҳамкор мамлакатларнинг товарлар ва хизматлар экспорти бўйича географияси 2019 йилнинг мос даврига нисбатан 127 давлатдан 137 давлатга кўпайган.
Мавзуга доир:
Изоҳ (0)