АҚШда сўнгги бир суткада коронавирус билан хасталанган 2139 киши вафот этди. Бу ҳақда Жонс Ҳопкинс университети маълумотларига таяниб, «РИА Новости» хабар берди.
Маълумотларга кўра, АҚШда COVID-19 касаллигидан вафот этганларнинг умумий сони 46611 кишига етган, бир кун аввал эса 2751 киши касаллик қурбонига айланган.
АҚШда коронавирус юқтириб олганларнинг умумий сони 840476 кишига етган, сўнгги бир суткада 27639 та янги ҳолат қайд этилган. Касалланган беморларнинг 76614 нафари тузалишга муваффақ бўлган.
Жонс Ҳопкинс университети федерал ва маҳаллий расмийларнинг маълумотлари, шунингдек, ОАВ ва бошқа манбаларнинг маълумотларини бирлаштиради. АҚШ коронавирусга чалинганлар ва ундан вафот этганлар сони бўйича дунёда етакчилик қилмоқда.
Эслатиб ўтамиз, АҚШ президенти Дональд Трамп коронавирус пандемияси сабаб юзага келган инқироз оқибатида ишсиз қолган америкаликларни ҳимоя қилиш мақсадида мамлакатга кирувчи иммигрантлар оқимини камида 60 кунга тўхтатиш ҳақидаги фармонни имзолади. АҚШнинг Миссури штати коронавирус сабаб Хитойни судга берди.
Изоҳ (0)