Давлат статистика қўмитаси берган маълумотга кўра, 2020 йил январь–март ойлари якуни бўйича Ўзбекистоннинг ташқи савдо айланмаси 2019 йилнинг мос даврига нисбатан 10,2 фоизга (924,1 миллион долларга) камайиб 8,14 миллиард АҚШ долларини ташкил қилган.
Январь–март ойлари давомида ташқи савдо айланмасида экспорт ҳажми 3,3 миллиард АҚШ долларини ташкил қилган ва ўтган йилнинг мос даврига нисбатан 374,7 миллион, яъни 10,9 фоизга камайган. Импорт ҳажми 4,7 миллиард АҚШ долларини ташкил этиб, 2019 йилдаги ушбу даврга қиёслаганда 765,7 миллионга – 9,7 фоизга камайган. Ҳисобот даврида – қарийб 1,4 миллиард АҚШ доллари қийматида пассив ташқи савдо баланси қайд этилган.
Аввал 2020 йилнинг январь—февраль ойида Ўзбекистоннинг ташқи савдо айланмаси 5,9 миллиард долларни ташкил этгани хабар қилинганди. 2020 йилнинг январь ойида Ўзбекистоннинг ташқи савдо айланмаси 2,9 миллиард долларни ташкил этган.
Изоҳ (0)