Xiaomi компанияси дунёга биринчи навбатда ўзининг смартфонлари билан танилган, бироқ Хитой компанияси бошқа кўплаб қурилмаларни ишлаб чиқариш билан ҳам шуғулланади. Xiaomi турли маиший буюмлар, компьютерлар ва ҳатто спорт кийимини ҳам таклиф этишга тайёр. Куни кеча компания замонавий Xiaomi Electric Scooter 1S (Xiaomi 1S) электросамокатини тақдим этди, деб хабар беради 3DNews.
Мазкур модель 2016 йилда тақдим этилган электросамокат ўрнини эгаллайди. Янги электросамокатнинг тормоз тизими, шунингдек, тезлик ва қувват ҳақида муҳим маълумотларни берувчи интерфаол визуал панели яхшиланган.
Электросамокат батареялари бир марта қувватланиш орқали 30 километргача йўл боса олади, бироқ янги модель рекуперация технологиясини (қайта қабул қилиш) қўллаб-қувватлашга тайёр. Самокат учта режимда ишлайди: энергия тежамкор (ECO), стандарт (D), шунингдек, спорт (S). Режимларни танлаш учун рулга ўрнатилган рақамли дисплейдаги ягона тугмани икки маротаба босиш керак.
Электросамокат Zhilian Mijia дастури ёрдамида ишлайди. Бунинг ёрдамида турли маълумотларни олиш билан бирга, электросамокатни «прошивка»сини янгилаш ёки юрган йўллар ҳақида маълумотларни текшириш мумкин.
Xiaomi 1S’нинг оғирлиги 12,5 килограммни ташкил этади, ҳозирда модель Хитойда 283 доллардан сотилмоқда.
Изоҳ (0)