Рақсга тушаётган қора танли тобуткашлар ҳақидаги мем жуда машҳур бўлиб кетди. Энди улар билборд, компьютер ўйинлари ва ҳатто Lego’да ҳам бор (видео)

Апрель ойининг бошида интернетда рақсга тушадиган қора танли тобуткашлар ҳақидаги мем жуда машҳур бўлиб кетди, деб ёзади Esquire.

Видео Directed by Robert B. Weide меми анъанасини давом эттирди, уни омадсизлик билан якунланадиган ёки ўта хавфли роликларга нисбатан қўллай бошлашди.

Рақсга тушадиган тобуткашлар иштирокидаги видео интернетда илк марта 2017 йилда пайдо бўлган. Видеони илк бора Ганадаги (Ғарбий Африкадаги республика) ғайриоддий анъана ҳақида сўзлаб берган тревел-блогер Travelin Sister эълон қилган эди. Маҳаллий аҳоли вакиллари дафн маросимига шўх мусиқа садолари остида рақсга тушадиган тобуткашларни ёллаб, марҳумни сўнгги йўлга кузатади. Ушбу видео BBC нашри эътиборини тортди.

2020 йилга келиб, роликка Tony Igy’нинг Astronomia қўшиғини қўйиб, ҳаёт учун хавфли бўлган видеолар охирига улаб монтаж қила бошлашди.

Илк шундай ролик TikTok’да пайдо бўлган. Унда чанғичи трамплиндан сакраб, омадсиз пастлайди.

Март ва апрель ойи давомида интернетда юзлаб шундай роликлар пайдо бўлди. Натижада эса рақсга тушаётган тобуткашлар иштирокидаги мем коронавирус ҳақидаги ҳазиллардан ҳам оммалашиб кетди.

Апрель ойи охирига келиб эса ушбу мем бутун дунёни забт этди. Улар компьютер ўйинларида, масалан, Minecraft ва GTA’да, билбордларда пайдо бўлди. Instagram’да уларнинг сурати туширилган ниқоблар ҳам бор. Улар ҳатто Lego ўйинига ҳам кўчди.

https://twitter.com/dannolan/status/1246349507203235841

https://twitter.com/NoContextRIP/status/1246130423132020737

https://twitter.com/dannolan/statuses/1246347372503822337

https://twitter.com/_solutionn/statuses/1243120522591903744

https://twitter.com/ChuckeEChaves/statuses/1246991927997841408

https://twitter.com/DownNumber/statuses/1246909944185720834

#coffindance #coffindancememe #あつまれどうふつの森
Professional Team pic.twitter.com/xjqp4ruJwo

— ToadMG (@ToadSAMA) April 14, 2020