Қўшни давлатлардан ўқишини кўчириш учун ҳужжат топширган талабалар олий таълим муассасалари томонидан бошланган масофавий таълимга жалб этилган. Бу ҳақда 22 апрель куни АОКАда Олий ва ўрта махсус таълим вазирлиги ахборот хизмати раҳбари Фарҳод Бабашев брифингда маълум қилди.
Брифингда Фарҳод Бабашевнинг маълум қилишича, қўшни давлатлардан ўқишини кўчириш учун ариза (ҳужжат) топширган талабалар олий таълим муассасасига мурожаат қилиши ёки дастлабки маълумотни ОТМ расмий сайтидан олиши мумкин.
«Қўшни давлатлардан ўқишини кўчириш учун 15 февралгача ҳужжат топширган талабалар олий таълим муассасалари томонидан 1 апрелда бошланган масофавий таълимга жалб этилган. 15 февралдан кейин ҳужжатларини топширган талабалар натижалари Давлат комиссияси томонидан яқин кунларда тасдиқланади. Шундан кейин ушбу тоифадаги талабалар ҳам масофавий таълим жараёнида иштирок этади. Карантин муддати якунлангач, тегишли ҳужжатларни тўлиқ топшириш имконияти берилади», — деди Олий ва ўрта махсус вазирлиги вакили.
Изоҳ (0)