Макияж чиройли ва мукаммал бўлиши учун жараёндаги ҳар бир босқичга эътибор бериш керак бўлади. Cosmopolitan нашри кўзни бўяшда йўл қўйиладиган хатоларга тўхталди.
1.Биринчи юзни, кейин кўзни бўяш
Сиз макияж борасида профессионал бўлган тақдирингизда ҳам тен суртиш давомида уни юзингизнинг бошқа қисмига теккизиб юборасиз. Бошида билинмаслиги мумкин, лекин кун давомида юзнинг ёғланиб, ялтираши натижасида ўзини намоён қилади. Сиз шунчаки киприк тагига тўкилди, деган фикрга борганингиз билан, аслида, юз терисига тўкилган бўлади. Шундай экан биринчи бўлиб кўзингизга тен, қалам ёки подводка, шундан кейингина юзингизга тонал крем суртинг.
2.Подводкани қалин қилиб суртиш
Подводка суртишдан мақсад кўзни каттароқ, киприкларни қалин кўрсатиш. Лекин қалин қилиб суртилса, киприклар унинг соясида кўринмайди. Шундай экан, подводкани кўз чизиғининг устидан қовоқларга чиқариб юборманг, ана шунда кутилган натижага эришасиз.
3. Қовоқларнинг ялтирашига қарши восита ишлатмаслик
Ялтираган қовоқлар жуда хунук кўринади. Шу боис тен суртишдан олдин база ёки пудра ишлатишни унутманг. Кейин бемалол туш суртишингиз мумкин бўлади. Бундан ташқари, ёнингизда ялтирашга қарши салфетка олиб юринг.
4.Тушни нотўғри суртиш
Киприклар узун ва қалин кўриниши учун тушни бир ҳаракат билан илдизидан тепага қараб йўналтиришнинг ўзи кифоя қилмайди. Қўлни айланасимон ҳаракатлантириш керак. Қолаверса, узунроқ кўриниши учун 2-3 дақиқа ўтиб иккинчи марта устидан суртиш керак бўлади. Шунда киприкда ортиқча тушлар ёпишиб қолмайди.
5. Тартиб билан бўяш
Биринчи кўзга тен, туш, подводка суриш жараёнини тугатиб, кейин иккинчи кўзни бўяш керак эмас. Чап кўзга тен суртдингизми, ўн тарафига ҳам суртиб, сўнг кейинги босқичга ўтинг. Шунда макияждаги хатоларни яққол сезасиз ва шунга қараб камчилигини тўғирлайсиз.
Изоҳ (0)