Бухорода карантинда туғилган кунни нишонлаб, спиртли ичимлик истеъмол қилган ҳолда ярим тунда фуқаролар осойишталигини бузган шахслар 15 суткадан қамалди. Бу ҳақда «Дарё»га вилоят ИИБ ахборот хизмати раҳбари Қувват Ярашов хабар берди.
Маълум бўлишича, Когон туманида яшовчи 18 ёшли Ҳ.Р. 14 апрель, сешанба куни, соат 20:00 да танишларига қўнғироқ қилиб, дўкондан спиртли ичимлик харид қилганини айтиб, қишлоқ четидаги кўлда балиқ овлаб, ўша ерда туғилган кунини нишонлашини билдирган.
Мавзуга доир: ИИВ Ўзбекистонда карантин қоидалари энг кўп бузилаётган вилоятлар рўйхатини эълон қилди
Кўп ўтмай улар маст бўлиб, бир-бирини уятли сўзлар билан ҳақоратлаган ҳамда одамлар тинчи ва осойишталигини бузган. Тунги соат 23:35 ларда қишлоқ одамлари йиғилган ва ҳолат содир бўлган жойга ҳудуд профилактика инспекторини чақирган.
Ҳуқуқбузарлар иши судда кўриб чиқилиб, Маъмурий жавобгарлик тўғрисидаги кодекснинг 183-моддаси (Майда безорилик), 54-модданинг 2-қисми (Эпидемияларга қарши кураш қоидаларини бузиш) ҳамда 187-модданинг 1-қисми (Жамоат жойларида алкогол маҳсулотини истеъмол қилиш) билан айбли деб топилиб, тўртовлонга 15 суткадан маъмурий қамоқ жазоси берилган.Мавзуга доир:
- Карантинда маст ҳолда нотаниш аёлга шилқимлик қилган фарғоналик фуқаро қамоққа олинди
- Самарқандда қўшниларини ҳақоратлаган маст фуқаро ва қочоқ ҳайдовчи қамоққа олинди
- Жиззахда карантин вақтида танишлари билан туғилган кунини нишонлаган яна бир шахс жавобгарликка тортилди
- Сирдарёда карантин қоидаларини бузиб, уйида маишат уюштирган аёл жаримага тортилди
Изоҳ (0)