Россиянинг Коми ва Ёқутистон республикалари ва Мурманск вилояти коронавируснинг жиддий ўчоқларига айланган. Бу ҳақда Россия бош вазири ўринбосари Татьяна Голикова маълум қилди, деб ёзмоқда «РИА Новости».
Татьяна Голикованинг маълум қилишича, касалликнинг кечиши мамлакатнинг турли ҳудудларида турлича бўлмоқда.
Россия президенти Владимир Путин 20 апрель куни қилган баёнотига кўра, Россияда коронавирус тарқалиши давом этмоқда, бироқ чеклов чоралари туфайли жараённи секинлаштиришга муваффақ бўлинган. Путиннинг қайд этишича, касалликнинг энг юқори чўққиси ҳали олдинда турибди.
Сўнгги маълумотларга кўра, Россияда коронавирусга чалинганлар сони 47 121 кишига етган. Касалликдан 405 киши вафот этган, 3446 киши тузалишга муваффақ бўлган.
Аввалроқ Москвада коронавирусга чалинганларни даволаш учун донорлик қилганларга ҳақ тўланиши ва унинг миқдори маълум қилинган эди. Москва мэри ўринбосари Анастасия Ракова эса шаҳарда касаллик яқин 2-3 ҳафтада ўзининг энг юқори чўққисига чиқишини айтган эди.
Изоҳ (0)