Хитойда ўтган бир сутка ичида коронавирус билан касалланиш бўйича 12 та ҳолат аниқланди, 22 киши тузалди, вафот этганлар қайд этилмади. Бу ҳақда Хитой Соғлиқни сақлаш миллий комиссияси хабар берди.
Аниқланган 12 ҳолатнинг 8 тасида коронавирус четдан, қолган 4 та ҳолатда мамлакатнинг ўзида юқтирилган. Айни пайтда Хитойда умумий ҳисобда 83 817 киши коронавирусга чалингани тасдиқланган, 4 636 киши вафот этган, 77 084 киши тузалган.
Жанубий Кореяда эса бир сутка ичида коронавирус билан касалланиш бўйича 13 та ҳолат аниқланиб, касалланганларнинг умумий сони 10 674 кишига етди. Шундан 72 нафари тузалган, 236 киши вафот этган. Бундан бир кун аввал эса касалланганлар сони бўйича февралдан буён энг паст кўрсаткич қайд этилганди.
Қайд этилишича, мамлакатда янги касалланишлар сонининг камайиши сабабли ҳукумат ижтимоий масофаланиш режимини заифлаштирилган шаклда 5 майгача узайтирди. Истироҳат боғлари ва дам олиш масканлари қайта очиладиган бўлди, спорт, диний ва кўнгилочар муассасаларга ўз фаолиятини чекланган ҳолда давом эттиришга рухсат берилади.
Шу билан бирга, фуқаролардан ҳали ҳам гавжум жойларга бормаслик, уйдан заруратсиз чиқмаслик ва барча профилактик тадбирларга риоя қилиш талаб қилинмоқда.
Изоҳ (0)