Фарғона шаҳрида ўз уйида фоҳишахона ташкил қилиб, ўзгаларнинг жинсий алоқа қилиши учун шароит яратиб берган шахс қўлга олинди. Бу ҳақда вилоят ИИБ ахборот хизмати хабар берди.
Таъкидланишича, 15 апрель, чоршанба куни, Фарғона шаҳрида ўтказилган тезкор тадбир давомида В.Ў. яшаш хонадонида фоҳишахона ташкил қилиб, Э.Х. ва М.М. исмли фуқароларнинг жинсий алоқа қилиши учун 200 минг сўм эвазига шароит яратиб берган вақтда ушланган.
Мазкур ҳолат юзасидан Фарғона шаҳар ИИО ФМБ ҳузуридаги тергов бўлими томонидан В.Ў.га нисбатан Жиноят кодексининг 131-моддаси 2-қисми («Қўшмачилик қилиш ёки фоҳишахона сақлаш») билан жиноят иши қўзғатилиб, ҳозирда тергов ҳаракатлари давом эттирилмоқда.
Маълумот учун, Жиноят кодексининг 131-моддаси 2-қисмида кўрсатилган жиноятни содир этган шахс уч йилгача озодликдан маҳрум қилиш билан жазоланиши мумкин.
Аввалроқ Қўқонда яшаш хонадонида фоҳишахона сақлаган аёл қўлга олингани ҳақида хабар берилганди.
Изоҳ (0)