Хитой ҳукумати коронавирус ҳақидаги реал маълумотларни яширгани аниқланса, бунинг учун жавоб бериши керак. Бу ҳақда АҚШ президенти Дональд Трамп Оқ уйда ўтказилган брифинг вақтида маълум қилди.
«Агарда улар (Хитой ҳукумати — таҳр.) фактларни яширгани аниқланса, бунинг оқибати бўлиши керак», — дейди Трамп.
Америка етакчисининг сўзларига кўра, Пекин қасддан хатога йўл қўймаган. «Хатолик бўлиб туради», — дея ойдинлик киритган Трамп. Шу билан бирга, бу маълумотларни яшириш каби қўрқинчли эмаслигини қайд этган.
АҚШ администрациясининг коронавирусга қарши кураш бўйича координатори Дебор Биркнинг маълум қилишича, АҚШ ҳукумати Хитойнинг COVID-19 билан касалланганлар ва қурбонлар сони, шунингдек, касаллик тарқалишига оид маълумотлари ҳақиқатдан узоқ деб ҳисобламоқда.
Эслатиб ўтамиз, март ойининг охирларида пандемия ўчоғи бўлган Хитой эса ўз ҳудудида коронавирус тарқалишини тўхтатганини маълум қилганди. Аввалроқ эса Хитой ҳукумати Ухандаги коронавирус қурбонлари сонига аниқлик киритиб, аслида COVID-19 оқибатида вафот этганлар сони 1290 кишига кўп эканлигини билдирди.
Сўнгги маълумотларга кўра, Хитойда коронавирус билан касалланганлар сони 83 минг кишидан ошган, 4636 киши вафот этган.
Изоҳ (0)