Ўзбекистонда карантин даврида юк ташиш транспортлари учун чекловлар мавжуд бўлмаганлиги сабабли биржа савдоларида харид қилинган товарларни юклаш ва ташишда муаммолар мавжуд эмас. Бу ҳақда 16 апрель куни АОКА ҳузуридаги штабда бўлиб ўтган брифингда Товар-хом ашё биржаси ахборот хизмати раҳбари Ҳикматилла Тиллабоев маълум қилди.
Товар-хом ашё биржаси ахборот хизмати раҳбарининг таъкидлашича, биржа томонидан товарларни тузилган битимларнинг электрон реестри асосида юклаш тизими яратилди ва сотувчи корхоналарга товарни юклаш учун битимнинг асл нусхаси талаб этилмаслиги бўйича кўрсатма берилди.
«Апрель ойдан бошлаб биржада илк бор форвард савдолари ўтказила бошланди. Бу савдолар биржада сотиб олинган товарларни кейинчалик узоқроқ муддатларда юклашни назарда тутади. Дастлабки босқичда ушбу савдолар шакар маҳсулоти бўйича амалга оширилмоқда. Унинг шартларига кўра, маҳсулотни етказиб бериш муддати 60 кунни ташкил этади. Яқин кунларда форвард шартномалари биржанинг бошқа товар бозорларида ҳам жорий этиш режалаштирилган», — дейди ахборот хизмати раҳбари.
Изоҳ (0)