АҚШ ҳудудида COVID-19 коронавирус инфекцияси оқибатида вафот этганлар сони 30 минг кишидан ошиб кетди. Бу ҳақда Жонс Ҳопкинс университети маълумотларида келтирилган.
Тошкент вақти билан соат 09:40 ҳолатига кўра, АҚШда 30 925 та ўлим ҳолати қайд этилган. Бутун мамлакат бўйлаб коронавирус билан касалланганлар сони 639 055 кишига етди, 52,6 минг киши соғайишга муваффақ бўлди.
Эслатиб ўтамиз, 15 апрель куни АҚШда рекорд даражада қурбонлар сони қайд этилганди — 2228 киши.
Мамлакатда энг оғир вазият Нью-Йорк шаҳрида ҳукм сурмоқда. Нью-Йорк шаҳрининг ўзида 10,8 минг киши коронавирус оқибатида вафот этган, штатда эса 214,6 минг киши COVID-19 инфекцияси билан касалланган. Бутун дунёда эса COVID-19 билан касалланганлар сони 2 миллиондан ошиб кетди.
Мавзуга доир:
Изоҳ (0)