Ўзбекистон Президентининг 2020 йил 14 апрелдаги қарори билан Жасурбек Чориев транспорт вазирининг ўринбосари лавозимини эгаллади. Бу ҳақда вазирлик матбуот хизмати хабар бермоқда.
Ушбу лавозимга тайинлангунига қадар Жасурбек Чориев Транспорт вазирлиги Ҳаво транспортини ривожлантириш департаменти бошлиғи вазифасини бажарувчи лавозимида фаолият юритган.
Жасурбек Чориев 1978 йил Сурхондарё вилояти Денов туманида туғилган. Тошкент шаҳридаги Жаҳон иқтисодиёти ва дипломатия университетида 1997 йил халқаро иқтисодий алоқалар мутахассислиги бўйича бакалавр даражасига эга бўлган. 1997—2000 йилларда АҚШнинг Боулдер шаҳридаги Колорадо университетида таҳсил олган. 2003 йили Тошкент давлат авиация институтида авиация менежменти йўналиши бўйича магистрлик даражасига эга бўлган.
Аввалроқ Ўзбекистон Миллий гвардияси қўмондонига янги ўринбосарлар тайинлангани, Ички ишлар вазирлиги тизимида янги лавозим тайинловлари амалга оширилгани хабар берилган эди.
Изоҳ (0)