Самарқандда карантин қоидаларига амал қилмасдан жамоат жойида ниқобсиз ва маст ҳолда юрган фуқарога 15 сутка маъмурий қамоқ жазоси тайинланди. Бу ҳақда «Дарё» мухбири Фарҳод Норбўтаев хабар бермоқда.
Маълум бўлишича, 14 апрель куни Самарқанд шаҳар ИИО ФМБ ходимлари фуқаро М.А.ни Навоийшоҳ кўчасида карантин қоидаларини бузиб, ниқобсиз, мақсадсиз юрганлиги ва жамоат жойида спиртли ичимлик истеъмол қилганлигини аниқлаган. Қоидабузарлик бўйича М.А.га нисбатан маъмурий баённома расмийлаштрилиб, судга оширилган.
Самарқанд шаҳар маъмурий судининг 2020 йил 13 апрелдаги қарорига кўра, ҳуқуқбузар М.А. Маъмурий жаобгарлик тўғрисидаги кодекснинг 54-моддаси 1-қисми (Эпидемияларга қарши кураш қоидаларини бузиш) 187-моддаси 2-қисми (Жамоат жойларида алкоголь маҳсулотини истеъмол қилиш) билан айбли деб топилиб, унга 15 сутка қамоқ жазоси тайинланган.
Қўшимча қилинишича, М.А. жамоат жойида спиртли ичимлик ичгани учун илгари ҳам бир неча бор маъмурий жавобгарликка тортилган.
Изоҳ (0)