АҚШ ҳудудида COVID-19 коронавирус инфекцияси билан касалланганлар сони 600 минг кишидан ошиб кетди. Бу ҳақда Жонс Ҳопкинс университети маълумотларида келтирилган.
15 апрель Тошкент вақти билан соат 9:45 ҳолатига кўра, АҚШда коронавирус билан касалланиш бўйича 609 407 та ҳолат қайд этилган. Вирус оқибатида вафот этганлар сони 26 033 кишига етган, 48 мингдан ортиқ бемор даволанишга муваффақ бўлган.
Коронавирус билан боғлиқ оғир вазият Нью-Йорк штати ва шаҳрида кузатилмоқда. АҚШнинг ушбу йирик шаҳрида COVID-19 оқибатида 8 мингга яқин одам вафот этган. Мазкур кўрсаткич бўйича Нью-Йорк қолган субъектлардан катта фарқ билан етакчилик қилмоқда. АҚШда коронавирус қурбонлари сони бўйича Нью-Йорк штатидаги тўртта субъект олд қаторларда кетмоқда. Нью-Йорк шаҳридан ташқари, Нассо (1001 киши), Саффолк (608) ҳамда Уэстчестер (596) округлари ўрин олган.
Сўнгги маълумотларга кўра, бутун дунё бўйлаб коронавирус билан касалланганлар сони 2 миллион кишига яқинлашиб қолди, қурбонлар сони 125 минг кишидан ошмоқда. Шунингдек, 485 минг киши даволанган.
Аввалроқ АҚШ давлат котиби коронавирус пандемиясида айбдорлар жавобгарликка тортилишини маълум қилганди.
Изоҳ (0)