Аввал хабар берганимиздек кеча, 8 апрель куни, Ўзбекистоннинг бир қанча ҳудудларида кучли ёмғир ва шамол тезлиги кучайиб, баъзи жойларда қалин қор ёғди.
Тошкент шаҳрида ҳам тушдан сўнг, соат 17:00 дан ўтиб, бошланган қор 9 апрель эрта тонгда кўчаларнинг қулаган дарахтлар билан тўлишига сабабчи бўлди. Туни билан майдалаб ёғган қор аралаш ёмғир натижасида дарахтларнинг қуриган танаси намликка дош бера олмай қулаб, шохлари синган. Натижада шаҳарнинг бир қанча туманларидаги айрим хонадонлар электр таъминотисиз қолган бўлса, шахсий автомобилидан фойдалана олмай, уни ҳовлида сақлаётган ҳайдовчиларнинг машиналарига зарар етган.
Тозалаш ва ободонлаштириш бошқармаси ходимлари ҳамда авариявий ёрдам машиналари айни пайтда кўрилган кичик талафотларни бартараф этиш билан шуғулланмоқда.
Дарё мухбири марказий кўчалар ва маҳаллаларнинг ичида бўлиб ушбу ҳолатларни кадрларга муҳрлади.
Изоҳ (0)