«Роспотребнадзор» Марказий эпидемиология илмий-тадқиқот институти олимлари COVID-19 коронавирус инфекциясини аниқловчи янги реагентлар жамланмасини яратди.
«АмплиСенс Cov-Bat-FL» жамланмаси клиник синовлардан ўтган бўлиб, 25 март куни Россияда фойдаланиш учун рўйхатдан ўтказилган.
«Роспотребнадзор»нинг маълум қилишича, мазкур тест COVID-19’ни келтириб чиқарадиган SARS-CоV-2 коронавирусини аниқлашга, шунингдек, уни атипик пневмония ва Яқин Шарқ респираторли синдромини келтириб чиқарадиган бошқа вируслардан ажратишга ёрдам беради.
Таъкидланишича, тест жуда сезгир бўлиб, инсондаги бошқа эпидемик коронавирус намуналари билан ёлғон-ижобий реакция бермайди.
Аввалроқ Россияда коронавирусни аниқлаш бўйича 2 та янги тест тизими яратилгани ҳақида хабар берилганди.
Эслатиб ўтамиз, Ўзбекистонда ҳам коронавирусни аниқлаш бўйича тест тизими ишлаб чиқилган. Шунингдек, Соғлиқни сақлаш ва Молия вазирликларига 300 мингта экспресс-тест ва 500 та сунъий нафас олдириш аппарати харид қилиш, хавф юқори бўлган аҳоли пунктларида кўчма лабораториялар ташкил этиш вазифаси қўйилган.
Изоҳ (0)